ரயில் நிலையம் அருகே ஒதுக்கிய 6 ஏக்கர் நிலத்தில் வேளச்சேரி பேருந்து நிலையம் அமைக்க வேண்டும்

விஜயநகர் சந்திப்பில் ஏற்படும் போக்குவரத்து நெரிசலுக்கு தீர்வாக

சென்னையின் முக்கிய பகுதியாக வேளச்சேரி உள்ளது. ஏராளமான அடுக்குமாடி குடியிருப்புகள், மால்கள், திரையரங்கம், பிரபல உணவகங்கள், வணிக வளாகங்கள், பள்ளி, கல்லூரிகள் என, அபார வளர்ச்சி அடைந்துள்ளது. இங்குள்ள விஜயநகர் பேருந்து நிலையத்தில் இருந்து கிண்டி, தி.நகர், அம்பத்தூர், தாம்பரம் உள்ளிட்ட சென்னையின் பல்வேறு பகுதிகளுக்கு பேருந்துகள் இயக்கப்படுகின்றன. இதேபோல், சென்னை கடற்கரை – வேளச்சேரி இடையே பறக்கும் ரயில் சேவை இயக்கப்படுகிறது. இந்த போக்குவரத்து சேவைகளை தினசரி ஆயிரக்கணக்கான மக்கள் பயன்படுத்தி வருகின்றனர்.