கேளம்பாக்கம் அருகே போக்குவரத்து நெரிசலை குறைக்க அனைத்து கனரக வாகனங்களும் சாலையோரம் நிறுத்திவைப்பு

கேளம் பாக்கம் அருகே நெரிசலை குறைக்கும் வகையில் கன ரக வாகனங்களை சாலையோரம் நிறுத்தி வைத்து தாம்பரம் மாநகர காவல் துறை நடவடிக்கை எடுத்துள்ளது.

ஓ.எம்.ஆர். சாலை மற்றும் ஜி.எஸ்.டி. சாலையில் காலை மற்றும் மாலை நேரங்களில் போக்குவரத்து நெரிசலை தவிர்க்கும் வகையில், காலை 7 மணி முதல் 11 மணி வரையும், மாலை 4 மணி முதல் இரவு 10 மணி வரையும் கனரக வாகனங்கள் செல்ல தடை விதிக்கப் பட்டுள்ளது. தாம்பரம் மாநகர காவல்துறை சார்பில் சோதனை அடிப்படையில் வண்டலூர் பகுதியில் இந்த திட்டம் செயல்படுத்தப்பட்டது. பின்னர் ஓ.எம்.ஆர். சாலையில் கேளம்பாக்கம் காவல் நிலைய எல்லையில் இத்திட்டம் அமல்படுத்தப் பட்டுள்ளது.