பாலியல் தொழில் செய்வதாக மிரட்டி மசாஜ் சென்டரில் பணியாற்றும் இளம் தெரப்பிஸ்ட் பலாத்காரம்

மதுரவாயல் பகுதியை சேர்ந்த வர் ராணி (32, பெயர் மாறியுள்ளது). இவர் விருகம்பாக்கம் அனைத்து மகளிர் காவல் நிலையத்தில் நேற்று முன்தினம் பரபரப்பு புகார் ஒன்றை அளித்தார். இந்த புகார் குறித்து போலீசார் கூறியதாவது:

மதுரவாயல் பகுதியை சேர்ந்த ராணி, மதுரவாயல் மற்றும் சுற்றியுள்ள மசாஜ் சென்டர்களில் தெரப்பிஸ்டாக பணியாற்றி வருகிறார். கடந்த 17ம் தேதி மாலை, இவர் தனது கணவருடன் வெளியே சென்றுவிட்டு வீட்டிற்கு வந்துள்ளார். அப்போது, ராணிக்கு பழக்கமான இளம்பெண் ஒருவருடன், காவல்துறை சீருடையில் முகக்கவசம் அணிந்த ஒருவர் வந்துள்ளார். பழக்கமான பெண் என்பதால் ராணி, தனது வீட்டிற்குள் அழைத்து பேசியுள்ளார். அப்போது சீருடையில் இருந்த நபர், உடன் வந்த பெண்ணை வெளியில் அனுப்பியுள்ளார்.

பின்னர், ராணியிடம் 'நான் விபசார தடுப்பு பிரிவு காவலர். நீங்கள் பெண்களை வைத்து பாலியல் தொழில் செய்வதாக எங்களுக்கு ஆதாரங்களுடன் புகார் வந்துள்ளது,' என கூறியுள்ளார். அதற்கு ராணி 'சார், நான் முறையாக தெரப்பிஸ்ட் பயிற்சி முடித்து, மசாஜ் சென்டர்களில் பணியாற்றும் பெண்களுக்கு தெரப்பிஸ்ட் பயிற்சி அளித்து வருகிறேன். என் மீது இப்படி ஆதாரமில்லாத குற்றச்சாட்டை சொல்றீங்களே,' என்று அழுதுள்ளார்.

அதற்கு அந்த காவலர், 'உன்னை கைது செய்ய தாள் நான் வருகிறேன். கைது செய்து தெருவில் உன்னை நடக்க வைத்து இழுத்து சென்றால் தான் உனக்கு புரியும்,' என்று மிரட்டியுள்ளார். பின்னர், 'உன்னை கைது செய்யாமல் இருக்க, 1 லட்சம் கொடு. இல்லை என்றால் கைது செய்வது உறுதி,' என்று மிரட்டியுள்ளார்.