3 புதிய மேம்பாலம் அமைக்க

போக்குவரத்து நெரிசலுக்கு தீர்வு காணும் வகையில், சென்னையின் 3 முக்கிய இடங்களில் மேம்பாலங்கள் கட்டுவது குறித்து விரிவான சாத்தியக் கூறு அறிக்கை தயார் செய்ய சென்னை மாநகராட்சி திட்டமிட்டுள்ளது.

முதல் கட்டமாக, பாலப் பணிகளை தொடங்கினால் மாற்று வழிகள் ஏற்படுத்துவது குறித்து அதிகாரிகள் ஆய்வு செய்து வருகின்றனர்.

மிகப்பெரிய பிரச்சனையாக இருப்பது போக்குவரத்து நெரிசல். பல்வேறு இடங்களில் நடைபெற்று வரும் மெட்ரோ பணிகளால் தற்போது பல இடங்களில் வாகன நெரிசல் காணப்படுகிறது.

மேலும் வாகன பெருக்கமும் முக்கிய காரணமாக உள்ளது. இதுபோன்ற காரணங்களால், சென்னையில் போக்குவரத்து நெரிசல் நாளுக்கு நாள் அதிகரித்துக் கொண்டே வருகிறது. சென்னையில் தினசரி 10 லட்சம் கார்கள், 40 லட்சம் இரு சக்கர வாகனங்கள் இயக்கப்படுவதாகக் கூறப்படுகிறது. இந்நிலையில் சென்னையின் போக்குவரத்து நெரிசலை குறைக்க பல்வேறு பகுதிகளில் மேம்பாலங்கள் அமைக்கப்பட்டு வருவதும் குறிப்பிடத்தக்கது.

திமுக ஆட்சி காலங்களில் சென்னையில் போக்குவரத்து நெரிசல் மிகுந்த பல இடங்களில் அதிகமான அளவில் மேம்பாலங்கள் கட்டப்பட்டுள்ளது குறிப்பிடத்தக்கது. இதனால் சென்னையில் முக்கியமான அத்தனை சிக்னல்களும் மேம்பாலங்களாக மாறிவிட்டன என்றே சொல்லலாம். சென்னையில் எத்தனை மேம்பாலங்கள் உள்ளது என்பதை எண்ணவே முடியாது. அந்த அளவிற்கு மேம்பாலங்கள் இருக்கிறது. சில இடங்களில் மேம்பாலங்கள் அமைத்தால் மாற்றுப்பாதை இல்லை என்பதால், மேம்பாலங்களை அமைக்காமல் அரசு தவிர்த்து வருகிறது.