தாம்பரம் சித்த மருத்துவமனையில் 555 வர்மானிகளை கொண்டு தற்காப்பு வர்ம மருத்துவம் - இயக்குநர் மீனாகுமாரி தகவல்

தாம்பரம் தேசிய சித்த மருத்துவமனையில் வரும் 18ம் தேதி ஒரே நேரத்தில் 555 வர்மானிகளை கொண்டு 555 நபர்களுக்கு தற்காப்பு வர்ம மருத்துவம் வழங்கி சாதனை நிகழ்ச்சி நடைபெறும் என்று இயக்குநர் மீனாகுமாரி தெரிவித்துள்ளார்.

இதுகுறித்து தேசிய சித்த மருத்துவமனை இயக்குநர் டாக்டர் மீனாகுமாரி கூறியதாவது:

சித்த மருத்துவத்தின் சிறப்புகளை உலகிற்கு பறை சாற்றவும், அதன் பயன்களை அறிவியல் பின்புலத்தோடு அனைவரும் ஏற்றுக்கொண்டு பயன்படுத்தவும், மீண்டும் நோய் வராமல் தடுப்பதற்கு ஏற்ற வகையில் அதன் நுட்பங்களை வெளிக்கொணரவும் பல வகைகளை பின்பற்ற வேண்டிய நிலையில் சித்த மருத்துவர்கள் உள்ளனர்.