ஆளுநர் ஆர்.என்.ரவி உரையாற்றுகிறார் ஜன.6ம் தேதி சட்டப்பேரவை கூடுகிறது

தமிழக சட்டப்பேரவை ஜனவரி 6ம் தேதி கூடுகிறது என்று சபாநாயகர் அப்பாவு அறிவித்துள்ளார். ஆண்டின் முதல் கூட்டம் என்பதால் அன்றைய தினம் தமிழக ஆளுநர் ஆர்.என்.ரவி உரையாற்றுகிறார்.

தமிழக சட்டப்பேரவை தலைவர் அப்பாவு நேற்று சென்னை, தலைமை செயலகத்தில் நிருபர்களிடம் கூறியதாவது: தமிழ்நாடு ஆளுநர் ஆர்.என்.ரவி, இந்திய அரசியலமைப்பு சட்டம் 174/1 கீழ் தமிழக சட்டமன்ற கூட்டத்தை தலைமை செயலக வளாகத்தில் அமைந்துள்ள சட்டமன்ற பேரவை மண்டபத்தில் வருகிற ஜனவரி 6ம் தேதி கூட்டி உள்ளார். அன்று காலை 9.30 மணிக்கு ஆளுநர் ஆர்.என்.ரவி உரை நிகழ்த்த உள்ளார். இந்த சட்டமன்ற கூட்டத்தொடர் எத்தனை நாட்கள் நடைபெறும் என்று அலுவல் ஆய்வு குழு கூடி முடிவு செய்யும். ஒன்றிய அரசின் ஒரே நாடு ஒரே தேர்தலுக்கு எதிர்ப்பு தெரிவிப்பது தொடர்பான தீர்மானத்தை முதல்வர் கொண்டு வந்தால், அந்த தீர்மானத்தின் மீது விவாதம் நடத்தி நிறைவேற்றுவதற்கு சட்டமன்றம் தயாராக இருக்கிறது.