மெரினாவில் வரும் 24ம் தேதி வரை நடக்கிறது மகளிர் சுயஉதவி குழுக்களின் உணவு திருவிழா

தமிழ்நாடு நகர்ப்புற வாழ்வாதார இயக்கம் சார்பில் மெரினாவில் மகளிர் சுய உதவிக் குழுக்களின் உணவுத் திருவிழாவை துணை முதல்வர் உதயநிதி ஸ்டாலின் நேற்று தொடங்கி வைத்தார்.

பின்னர் அவர் நிருபர்களுக்கு அளித்த பேட்டி: மகளிர் சுய உதவிக் குழுக்கள் தயாரிக்கும் உணவுப் பொருட்களின் உணவுத் திருவிழா மெரினாவில் வரும் 24ம் தேதி வரை நடக்கிறது. 65 சுய உதவிக் குழுக்களைச் சேர்ந்த 150க்கும் மேற்பட்ட மகளிர் உடனடியாக சமைத்து சுகாதாரமான முறையில் பரிமாறும் வகையில் 35 அரங்குகள் அமைக்கப்பட்டுள்ளன. பொதுமக்கள் இந்த திருவிழாவில் கலந்துகொள்ள வேண்டும் என்றார்.