திமுக தொடர் திட்டங்களை தருகிற காரணத்தினால் மக்கள் தொடர் வெற்றி அளிப்பதை பார்த்து எடப்பாடிக்கு வயிற்றெரிச்சல்

திமுக அரசு தொடர் திட்டங்களை தருகிற காரணத்தினால், திமுகவிற்கு தொடர் வெற்றியை மக்கள் அளித்து வருகின்றனர்.

இதனால் எடப்பாடிக்கு வயிற்றெரிச்சல் என முதல்வர் மு.க.ஸ்டாலின் தெரிவித்தார். ஈரோடு அடுத்த சோலார் புதிய பேருந்து நிலைய வளாகத்தில் நேற்று நடந்த அரசு விழாவில், ரூ.133.66 கோடி மதிப்பீட்டில் 222 புதிய வளா்ச்சி திட்டப்பணிகளுக்கு அடிக்கல் நாட்டியும், 559 முடிவுற்ற வளர்ச்சி திட்டப்பணிகளை மக்கள் பயன்பாட்டிற்கு தொடங்கி வைத்தும் முதல்வர் மு.க.ஸ்டாலின் பேசியதாவது:

ஈரோட்டில் மஞ்சள் பொது வசதி மையம், காட்டுப்பாளையத்தில் ஜிம்னாஸ்டிக் மையம் அமைக்கப்படும். ஈரோட்டில் தகவல் தொழில்நுட்ப பூங்கா அமைக்க இடம் கண்டறியப்பட்டு, விரைவில் ஐடி பார்க் அமைக்கப்படும். ஈரோடு மாநகராட்சி, அந்தியூர், கோபி, மொடக்குறிச்சி, பெருந்துறை போன்ற பகுதிகளில் உள்ள சாலைகள் ரூ.100 கோடி மதிப்பீட்டில் மேம்படுத்தப்படும். இதுபோல் பல்வேறு திட்டங்கள் விரைவில் நிறைவேற்றப்படும்.