நீர் வரத்து அதிகரித்து முழு கொள்ளளவை எட்டுவதால் பூண்டி நீர்த்தேக்கத்தில் இருந்து 1000 கன அடி உபரிநீர் திறப்பு

பூண்டி நீர்த்தேக்கத்திற்கு நீர் வரத்து அதிகரித்து, முழு கொள்ளளவை எட்டுவதால், விநாடிக்கு 1,000 கனஅடி நீர் திறக்கப்படுகிறது.

இதனால், கொசஸ்தலையாறு கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. சென்னை மக்களின் குடிநீர் ஆதாரமாக விளங்கும் ஏரிகளில் ஒன்றான பூண்டி நீர்த்தேக்கம், 34.58 சதுர கிலோ மீட்டர் பரப்பளவில் அமைந்துள்ளது. இந்த நீர்த்தேக்கத்தின் மொத்த உயரம் 35 அடியாகும். இதன் முழு கொள்ளளவு 32.31 மில்லியன் கன அடி.

தற்போது ஏரியின் நீர் இருப்பு 31.21 மில்லியன் கன அடியாகவும், நீர்வரத்து 1290 கன அடியாகவும் உள்ளது. ஏரியின் நீர் பிடிப்பு பகுதியில் தொடர்ந்து கனமழை பெய்து வருவதாலும், நேற்று முன்தினம் முதல் ஆந்திர மாநிலம் கிருஷ்ணாபுரம் அணையில் இருந்து 1,000 கனஅடி உபரி நீர் திறக்கப்பட்டதாலும் பூண்டி ஏரியின் நீர் மட்டம் வேகமாக உயர்ந்து வருகிறது. இதனால், ஏரியின் முழு கொள்ளளவான 35 அடியை தொட்டுவிடும் என எதிர்ப்பார்க்கப்படுகிறது.