3 பேர் சிறையில் அடைப்பு

சேலையூரை அடுத்த மப்பேடு - ஆலப் பாக்கம் பிரதான சாலையில் புத்தூர் அருகே உள்ள காலி இடத்தில் வாலிபர் சடலம் ஒன்று கிடப்பதாக சேலையூர் காவல் நிலைய போலீசாருக்கு நேற்று முன்தினம் காலை தகவல் கிடைத்தது.

போலீசார் சம்பவ இடத்திற்கு சென்று பார்த்தபோது அங்கு சுமார் 21 வயது மதிக்கத்தக்க இளைஞர் சுடிதார் துணியால் கை, கால்கள் கட்டப்பட்ட நிலையில் முகத்தில் காயங்களுடன் கழுத்தறுத்து கொலை செய்யப் பட்டு கிடந்தார்.

இதை தொடர்ந்து உடலை மீட்ட போலீசார் குரோம் பேட்டை அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.

மேலும் சம்பவம் தொடர்பாக வழக்கு பதிவு செய்து விசாரணை நடத்தினர்.