ஆன்லைன் மூலம் ஆர்டர் செய்த பிரபல தனியார் உணவக சிக்கனில் புழு

சென்னை போரூர் அடுத்த காரம்பாக்கம் பகுதியைச் சேர்ந்தவர் கார்த்திகேயன்.

இவர் நேற்று முன்தினம் இரவு ஆன்லைன் மூலம் பிரபல தனியார் உணவகத்தில் சிக்கன் ஆர்டர் செய்துள்ளார். ஆர்டர் செய்யப்பட்டு வந்த உணவை பிரித்து சாப்பிட்டபோது சமைத்த சிக்கனில் புழுக்கள் இருப்பதைக் கண்டு அதிர்ச்சி அடைந்தார். அதனை தனது செல்போனில் வீடியோவாக எடுத்து உணவு ஆர்டர் செய்த ஆன்லைன் நிறுவனத்தை தொடர்புகொண்டு புகார் அளித்துள்ளார். அத்துடன் உணவு வழங்கிய தனியார் உணவகத்திற்கு நேரில் சென்று சிக்கனில் புழு இருந்தது தொடர்பாக கேள்வி எழுப்பியுள்ளார்.