வட்டி விகிதத்தில் மாற்றமில்லை: ஆர்பிஐ அறிவிப்பு

வங்கிகளுக்கான குறுகிய காலக் கடன்கள் மீதான வட்டி விகிதத்தில் (ரெப்போ ரேட்) எவ்வித மாற்றத்தையும் இந்திய ரிசர்வ் வங்கி (ஆர்பிஐ) மேற்கொள்ளவில்லை.

இதன்மூலம் தொடர்ந்து 11-ஆவது முறையாக வட்டி விகிதம் மாற்றமில்லாமல் 6.50 சதவீதமாக தொடர்கிறது.

அதே நேரத்தில் ரிசர்வ் வங்கியில் வங்கிகள் வைக்க வேண்டிய ரொக்க இருப்பு விகிதத்தை (சிஆர்ஆர்) ஆர்பிஐ குறைத்துள்ளது. இதன்மூலம் வங்கிகள் கடன் வழங்குவதற்கு கூடுதல் நிதி கையிருப்பில் இருக்கும். இது பொருளாதார வளர்ச்சியை ஊக்குவிக்கும் நடவடிக்கையாக கருதப்படுகிறது.

கடந்த ஜூலை-செப்டம்பர் கால கட்டத்தில் பொருளாதார வளர்ச்சி மாக குறைந்து 5.4 சதவீதம் என்ற நிலையை எட்டியது. பணவீக்கமும் அதிகரித்து, டாலருக்கு நிகரான ரூபாயின் மதிப்பும் சரிந்துள்ளது. இதைக் கருத்தில்கொண்டு ரொக்க இருப்பு விகிதத்தை ஆர்பிஐ குறைத்துள்ளது.

இரு மாதங்களுக்கு ஒருமுறை நடைபெறும் ஆர்பிஐ நிதிக் கொள் கைக் குழுக் கூட்டம் மும்பையில் வெள்ளிக்கிழமை நடைபெற்றது. ஆர்பிஐ ஆளுநர் சக்தி காந்த தாஸ் மற்றும் இரு துணை ஆளுநர்கள், ஆர்பிஐ சாராத 3 உறுப்பினர்களும் இக்கூட்டத்தில் பங்கேற்றனர்.