அதானி விவகாரம்: தமிழகத்துக்கு தொடர்பில்லை

அதானி முறைகேடு விவகாரத்தில் தமிழகத்துக்கு எந்தத் தொடர்பும் இல்லை; தொழிலதிபர் அதானியை நான் சந்திக்கவும் இல்லை' என்று முதல்வர் மு.க.ஸ்டாலின் சட்டப்பேரவையில் செவ்வாய்க்கிழமை தெரிவித்தார்.

அதானி விவகாரத்தை பேரவையில் எழுப்பிய பாமக, அதானி மீதான குற்றச்சாட்டுகள் தொடர்பாக நாடாளுமன்ற கூட்டுக் குழு விசாரணையை ஆதரிக்குமா எனவும் முதல்வர் கேள்வி எழுப்பினார்.

அதானி நிறுவனத்தின் சூரிய மின் சக்தி ஒப்பந்தங்களைப் பெறுவதற்காக சில மாநில அதிகாரிகளுக்கு அதானி குழுமம் கோடிக்கணக்கில் லஞ்சம் கொடுத்ததாகவும், சூரிய மின் சக்தியை விநியோகிப்பதற்கான திட்டங்களுக்கு அமெரிக்க வங்கிகள் மற்றும் முதலீட்டாளர்களிடமிருந்து பல ஆயிரம் கோடி ரூபாயை அதானி குழுமம் திரட்டியதாகவும் அமெரிக்க நீதித்துறை குற்றஞ்சாட்டியுள்ளது.

இந்த மாநிலங்களில் தமிழகமும் இடம்பெற்றதாக செய்திகள் வெளியான நிலையில், அதில் தமிழகத்துக்கு எந்தத் தொடர்பும் இல்லை என முதல்வர் மு.க.ஸ்டாலின் தெளிவுபடுத்தியுள்ளார்.

பாமக எழுப்பிய சட்டப்பேரவையில் செவ்வாய்க்கிழமை கேள்வி நேரம் முடிந்ததும் பேரவை பாமக தலைவர் ஜி.கே.மணி இதுதொடர்பாக பிரச்னை எழுப்பி பேசியதாவது: அதானி நிறுவனத்தின் முறைகேடு தொடர்பாக அமெரிக்க நீதிமன்றத்தில் வழக்கு பதிவு செய்யப்பட்டுள்ளது.

அதில், தமிழகத்தின் பெயரும் இடம்பெற்றிருப்பதாக செய்திகள் வந்துள்ளன. அது உண்மையா, தவறா என்பதை அரசு விளக்க வேண்டும் என்றார்.