રશિયન સેના પર હુમલા તેજ કરી ખેરસોન શહેર પર ફરી કબજો મેળવવા યુક્રેન તૈયાર

બન્ને દેશ વચ્ચે યુદ્ધનો છઠ્ઠા મહિનામાં પ્રવેશ, યુક્રેનની સેનાએ હિમર્સ રોકેટથી હુમલા તેજ કર્યા

યુક્રેન ૫૨ રશિયા વચ્ચે યુદ્ધને 5 મહિના પૂરા થઈ ગયા છે. બન્ને દેશ વચ્ચે હજુ ભીષણ લડાઈ ચાલુ છે. યુક્રેન સૈન્યએ પૂર્વ ડોનબાસમાં એક મોટો વિસ્તાર રશિયન દળો સામે ગુમાવ્યો છે. દરમિયાન, યુક્રેનના એક ટોચના અધિકારીએ કહ્યું છે કે યુક્રેનની સેના ખેરસોન વિસ્તારમાં વળતો હુમલા કરવા અને રશિયન દળોને હરાવવા માટે ઘાતક હિમર્સ રોકેટ અને અન્ય પશ્ચિમી હથિયારોનો ઉપયોગ કરી રહી છે. તેમણે કહ્યું કે અમારો પ્રયાસ છે કે સપ્ટેમ્બર સુધીમાં ખેરસોન શહેર ફરીથી આઝાદ થઈ જાય. આ દરમિયાન રાષ્ટ્રપતિ ઝેલેન્સકીએ પણ કહ્યું છે કે હવે અમે ખેરસોનને મુક્ત કરવા પર વિચાર કરી રહ્યા છીએ.