ધો. ૬ થી ૧૨માં ભગવદ્ ગીતાના મૂલ્યોનો અભ્યાસક્રમમાં સમાવિષ્ટ કરાશે

રાજ્યમંત્રી પ્રફુલ પાનસેરીયાએ વિધાનસભા ગૃહમાં આપી માહિતી ગીતા સત્કર્મોં અને સદવિચાર માટે ઉદ્દીપક છે : ગીતાના તત્વજ્ઞાન થકી ગુજરાતના વિધાર્થીઓ વધુ જ્ઞાની બનશે ધોરણ-૯ થી૧૨ માં શ્રીમદ્ ભગવદ્ ગીતાનો પરિચય પ્રથમ ભાષાના પાઠ્યપુસ્તકમાં વાર્તા અને પઠન-પાઠન વગેરે સ્વરૂપે આપવામાં આવશે । આ સંકલ્પ વિધાનસભા ખાતે વિના વિરોધે પસાર કરાયો

શિક્ષણ રાજ્યમંત્રી પાનશેરીયાએ સંકલ્પ રજૂ કરતાં કહ્યું કે, શ્રીમદ્ ભગવદ્ ગીતા એ હિંદુ ધર્મનો પ્રાચીન અને મુખ્ય પવિત્ર ગ્રંથ છે. ગીતા હિંદુ ધર્મનો ગણાતો હોવા છતાં ફક્ત હિંદુઓ પૂરતો સીમિત ન રહેતાં પૂરા માનવસમાજ માટેનો ગ્રંથ ગણાય છે, અને વિશ્વચિંતકોએ તેમાંથી માર્ગદર્શન લીધું છે. ગીતાનું મહત્ત્વ અલૌકિક છે.