ટ્રાન્સજેન્ડર ઓળખ પ્રમાણપત્રને પાન કાર્ડ માટે માન્ય ગણવામાં આવશે

કેન્દ્રએ સુપ્રીમ કોર્ટને જણાવ્યું અધિનિયમ, ૨૦૧૯ ની કલમ ૬/૭ હેઠળ જિલ્લા મેજિસ્ટ્રેટ દ્વારા જારી કરાયેલ પ્રમાણપત્ર સ્વીકાર્ય રહેશે

કેન્દ્રએ સુપ્રીમ કોર્ટને જણાવ્યું છે કે ટ્રાન્સજેન્ડર પર્સન્સ (પ્રોટેક્શન ઑફ રાઇટ્સ) એક્ટ, ૨૦૧૯ હેઠળ જિલ્લા મેજિસ્ટ્રેટ દ્વારા જારી કરાયેલ ‘ઓળખનું પ્રમાણપત્ર’ પાન કાર્ડ માટે અરજી કરવા માટે માન્ય દસ્તાવેજ ગણવામાં આવશે. જસ્ટિસ સુધાંશુ ધુલિયા અને અહસાનુદ્દીન અમાનુલ્લાહની બેન્ચે કહ્યું કે ભારતીય સંઘે આ વિનંતીને સૈદ્ધાંતિક રીતે સ્વીકારી લીધી છે. કેન્દ્ર સરકાર આ અંગેના નિયમોમાં સ્પષ્ટતા લાવવાનું પણ વિચારી રહી છે.