સ્પેનમાં પૂરે સર્જયો વિનાશ, ૯૫ના મોત, અનેક ઘરવિહોણા થયા

ભારે હાલાકીનો સામનો રસ્તાઓ નદીઓમાં ફેરવાઈ ગયા અને કાર તરતી જોવા મળી. રેલ લાઈનો અને હાઈવે ખોરવાઈ ગયા

સ્પેનના વેલેન્સિયામાં આઠ કલાકમાં એક વર્ષ જેટલો વરસાદ પડતા નદીઓમાં પૂર આવ્યું છે. પરિણામે ૯૫ લોકોના મોત થયા છે. રસ્તાઓ નદીઓમાં ફેરવાઈ ગયા અને કાર તરતી જોવા મળી. રેલ લાઈનો અને હાઈવે ખોરવાઈ ગયા હતા. ત્રણ દાયકામાં આ સૌથી ભયાનક કુદરતી આફત છે. ભારે વરસાદ લાવનાર વાવાઝોડાને કારણે મલાગાથી વેલેન્સિયા સુધીના દક્ષિણ અને પૂર્વી સ્પેનના મોટા ભાગોમાં પૂર આવ્યું. વાવાઝોડું ઉત્તર-પૂર્વ તરફ આગળ વધતાં કેટાલોનિયાના ભાગો માટે રેડ એલર્ટ જારી કરવામાં આવ્યું છે.