દસ્કોઈના કાણીયેલમાં શાકભાજી પાકોમાં ધરું ઉછેર અને સંકલિત પોષણ વ્યવસ્થાપન અંગેનો પરિસંવાદ યોજાયો

બાગાયતી ખેતી અપનાવેલ ખેડૂતોએ પોતાના અનુભવો વર્ણવ્યા ખેડૂતો શાકભાજી પાકોના તંદુરસ્ત ધરું માટે વધુમાં વધુ પ્લગ નર્સરી ઊભી કરીને સ્થાનિક રોજગારી ઉભી કરવા સહયોગી બની શકે છે : અધિકારી

નાયબ બાગાયત નિયામકની કચેરી, અમદાવાદ દ્વારા જિલ્લાના ખેડૂતો માટે દસ્ક્રોઈના કાણીયેલ ગામે ‘શાકભાજી પાકોમાં ધરું ઉછેર અને સંકલિત પોષણ વ્યવસ્થાપન’ અંગે એક દિવસીય પરિસંવાદનું આયોજન કરવામાં આવ્યું હતું.

પરિસંવાદ અંતર્ગત અમદાવાદના નાયબ બાગાયત નિયામકશ્રી જે.જે. પરમારે ખેડૂતોને શાકભાજી પાકો માટે તંદુરસ્ત ધરું ઉછેર માટે વધુમાં વધુ પ્લગ નર્સરી ઊભી કરવા અનુરોધ કરીને બાગાયત ખાતાની વિવિધ સહાયલક્ષી યોજનાઓનો મહત્તમ લાભ લેવા અનુરોધ કર્યો હતો.