ભારતે પ્રથમ વન-ડેમાં વેસ્ટ ઈન્ડિઝને 309 રનનો લક્ષ્યાંક આપ્યો

શિખર (97) અને ગિલ (64)ની પ્રથમ વિકેટ માટે 119 રનની ભાગીદારી, ભારત 308/7

વેસ્ટ ઈન્ડિઝ સામે પ્રથમ વન-ડેમાં ભારતના કેપ્ટન શિખર ધવન અને ઓપનર શુભમન ગિલની શાનદાર ઈનિંગની મદદથી મજબૂત સ્કોર ઉભો કર્યો હતો. નિર્ધારિત ઓવરમાં ભારતીય ટીમે સાત વિકેટે 308 રન કર્યા હતા. શિખર ધવન ફક્ત ત્રણ રનથી સદી ચૂક્યો હતો અને તેણે 97 બોલમાં 99 રનની ધમાકેદાર ઈનિંગ રમી હતી. શુભમન ગિલે પણ સારો સાથ આપતાં 53 બોલમાં 64 રન કર્યા હતા. ધવન અને ગિલ વચ્ચે પ્રથમ વિકેટ માટે 119 રનની પાર્ટનરશીપ નોંધાઈ હતી. ત્રીજા ક્રમે રમવા ઉતરેલા વાઈસ કેપ્ટન શ્રેયસ ઐયરે 54 રનનું યોગાદન આપ્યું હતું. ભારતીય ટીમને પ્રથમ વન-ડે અગાઉ ફટકો પડ્યો હતો. ઓલરાઉન્ડર રવિન્દ્ર જાડેજાને ઘૂંટણમાં ઈજા થતાં તે સિરીઝની બે વન-ડેમાં ટીમમાં રમી નહીં શકે.