ઉપલેટાના ખાખીજાળિયામાં મહિલાની દફન લાશ કોઇએ બહાર કાઢી : તાંત્રિકવિધિ ની આશંકા

દફનવિધિ કર્યાના બીજા દિવસે મહિલાના મૃતદેહને ખોદીને બહાર કાઢી નાખતાં ચકચાર

રાજકોટના ઉપલેટા નજીક ખાખીજાળીયા ગામે મહિલાના દફન મૃતદેહ બહાર કઢાયાની અજબ ઘટના પ્રકાશમાં આવી છે. મૃતદેહની દફનવિધિ ના બીજા દિવસે આ કિસ્સો બન્યો છે. કોઈએ મૃતદેહને બહાર કાઢવાનો પ્રયત્ન કર્યો હોવાનું અનુમાન લગાવાઈ રહ્યું છે. જોકે ગ્રામજનોને આ ઘટના અંગેની જાણ થતાં તંત્રને જાણ કરી હતી. જેને પગલે પોલીસ તેમજ મામલતદાર કચેરીનાં ઉચ્ચ અધિકારીઓ દોડી આવ્યા હતા. મૃતદેહને ઉપલેટા સિવિલ હોસ્પિટલ ખાતે લાવવામાં આવ્યો છે. તાંત્રિક વિધિ માટે કોઈએ આ કૃત્ય કર્યું હોય તેવી શક્યતા વ્યક્ત કરવામાં આવી રહી છે.