AI કંપની OpenAIના સીઈઓ સેમ ઓલ્ટમેનની હકાલપટ્ટી

આશ્ચર્ય: બોર્ડે કંપનીનું નેતૃત્વ કરવાની તેમની ક્ષમતામાં વિશ્વાસ ગુમાવી દીધો હોવાથી લેવાયેલો નિર્ણય ઓલ્ટમેનના સ્થાને કંપનીના ચીફ ટેક્નોલોજી ઓફિસર મીરા મુરાતીની સીઈઓ તરીકે નિમણૂક કરાઈ ૦ કંપનીના અન્ય એક સહસ્થાપક ગ્રેગ બ્રોકમેને પણ બોર્ડમાંથી હાંકી કઢાતા રાજીનામું આપ્યું

આર્ટિફિશિયલ ઈન્ટેલિજન્સ (એઆઈ) ક્ષેત્રની વિશ્વની ટોચની કંપની તથા ચેટજીપીટીના કારણે લોકોમાં જાણીતી બનેલી ઓપનએઆઈના બોર્ડે એક ચોંકાવનારો નિર્ણય લઈ એઆઈના પોસ્ટર બોય ગણાતાં કંપનીના સીઈઓ સેમ ઓલ્ટમેનની એકાએક હકાલપટ્ટી કરતાં ટેક્નોલોજી વિશ્વમાં ખળભળાટ મચી ગયો હતો. ઓલ્ટમેનના સ્થાને કંપનીના ચીફ ટેક્નોલોજી ઓફિસ૨ મીરા મુરાતીની સીઈઓ તરીકે નિમણૂક કરાઈ છે.

કંપનીના જણાવ્યાં અનુસાર બોર્ડે ઓલ્ટમેનની નેતૃત્વની ક્ષમતામાં વિશ્વાસ ગુમાવી દીધો હોવાથી તેમને પદ પરથી દૂર કરવાનો નિર્ણય  લીધો છે. ઓલ્ટમેનની હકાલપટ્ટીના ગણતરીના કલાકોમાં જ ઓપન એઆઈએ તેમના સહયોગી અને કંપનીના સહસ્થાપક ગ્રેગ બ્રોકમેનની પણ હકાલપટ્ટી કરી હતી.