સમાજ કલ્યાણ વિભાગમાં નોકરી આપવાના બહાને ₹54 લાખની ઠગાઇ કરનારી નર્સના આગોતરા રદ

આરોપીનું કસ્ટોડિયલ ઇન્ટ્રોગેશન વગર તપાસ પૂર્ણ થાય તેમ નથીઃ કોર્ટ

મુદ્રા લોન અપાવવા અને સમાજ કલ્યાણ વિભાગમાં નોકરી આપવાના બહાને 54 લાખની ઠગાઇ આચરનાર નર્સના આગોતરા જામીન સેશન્સ કોર્ટે ફગાવી દીધા છે. એડિશનલ સેશન્સ જજ જે. એમ. બ્રહ્મભટ્ટે ચુકાદામાં નોંધ્યું હતું કે, ફરિયાદમાં મહિલા આરોપીનું નામ પહેલાંથી જ છે, આરોપીએ નોકરી તેમ જ લોન અપાવાના બહાને લાખોની ઠગાઇ આચરી છે, આ મામલે તપાસ પ્રાથમિક તબક્કે ચાલી રહી છે, ત્યારે આરોપીના કસ્ટોડિયલ ઇન્ટ્રોગેશન વગર તપાસ શક્ય નથી ત્યારે આરોપીને આગોતરા જામીન પર મુક્ત કરવી ન્યાયોચિત જણાતું નથી.