લગ્નના ફેરા પછી મિત્રો સાથે નાસ્તો કરવા જતાં કાર પલ્ટી જવાથી વરરાજાનું મોત

જામજોધપુરના વાલાસણ-પાનેલી રોડ પર ઢોર વચ્ચે ઉતરતા સ્કોર્પિયો ગોથું મારી ગઈ

રાજકોટથી વતન વાલાસણ ગામે લગ્ન કરીને ઘરે આવેલા વરરાજાનું મોત થયાની હૃદય દ્રાવક ઘટના સામે આવી છે. વરરાજાને ફેરા પુરા કર્યા બાદ તેના મિત્રોએ નાસ્તો કરવા લઈ ગયા હતા. આ દરમિયાન રસ્તામાં જ સ્કોર્પિયો કાર પલટી ખાઈ જતાં વરરાજાનું ઘટના સ્થળે જ કમકમાટી ભર્યુ મૃત્યુ નિપજ્યું હતું. જેને લીધે જે ઘરમાં લગ્નની શરણાઈઓ વાગી રહી હતી. તે જ ઘરે માતમ છવાઈ ગયો હતો.