યુવકનું અપહરણ કરીઝાડ સાથે બાંધીને ચામડાના પટ્ટા અને લાકડીથી ફટકાર્યો

નારણપુરામાં 80 લાખની લેતીદેતીમાં મામલો બિચક્યોઃ પાંચ સામે ગુનો દાખલ

નારણપુરામાં ટૂર્સ એન્ડ ટ્રાવેલ્સનો વેપાર કરતા એક યુવકે તેના મિત્રને વચ્ચે રાખીને એક શખ્સ પાસેથી 80 લાખ લીધા હતા. યુવકે તે નાણાં તેના મિત્રને આપીને તે શખ્સને ચૂકવવા જણાવ્યું હતું. છતાંય આરોપીએ પૈસાની ઉઘરાણી કરીને યુવકને પહેલા માર માર્યો હતો. બાદમાં સાગરિતો સાથે મળીને તેનું અપહરણ કરીને લીમડાના ઝાડ સાથે બાંધીને ચામડાના પટ્ટા અને લાકડીથી માર માર્યો હતો. જે મામલે નારણપુરા પોલીસે ગુનો નોંધી તપાસ હાથ ધરી છે.