તૃણમૂલ પાસે ‘સ્કીમ્સ’ને ‘સ્કેમ’માં ફેરવવાની કલાઃ PM નરેન્દ્ર મોદી

પીએમએ સંદેશખાલી મુદ્દે મમતા સરકારની ફરી આકરી ટીકા કરી

આગામી લોકસભા ચૂંટણી પહેલાં રાજકીય ગરમાવો વધી રહ્યો છે ત્યારે વડાપ્રધાન નરેન્દ્ર મોદીએ શનિવારે મમતા બેનરજીના ગઢ પશ્ચિમ બંગાળમાં તૃણમૂલ કોંગ્રેસ પર આકરા પ્રહાર કર્યા હતા. મોદીએ મમતા સરકારને ‘અત્યાચાર, પરિવારવાદી રાજનીતિ અને વિશ્વાસઘાત'નો પર્યાય ગણાવી હતી અને દાવો કર્યો હતો કે, તૃણમૂલ કોંગ્રેસે ‘સ્કીમ્સ’ (સરકારી યોજનાઓ)ને ‘સ્કેમ્સ’ (કૌભાંડ) માં ફેરવવાની કુશળતા મેળવી લીધી છે.