കാർ പുഴയിൽ വിണ് ദമ്പതികൾക്കും പേരമകനും ദാരുണാന്ത്യം

കാർ കരയിലേക്ക് അടുപ്പിച്ച് കുടുങ്ങിയവരെ പുറത്തെടുക്കാൻ 20 മിനിറ്റ് വേണ്ടിവന്നു

ഒല്ലൂർ (തൃശൂർ): കാർ പുഴയിലേക്ക് മറിഞ്ഞ് ദമ്പതികളും ആറു വയസ്സുള്ള പേരമകനും മരിച്ചു. ചീരാച്ചി യശോറാം  രാജേന്ദ്ര ബാബു (66), ഭാര്യ വടുക്കര മുത്രത്തിൽ വീട്ടിൽ സന്ധ്യ (60), മകൾ സ്നേഹയുടെ മകൻ സമർഥ് എന്നിവരാണ് മരിച്ചത്. രാജേന്ദ്ര ബാബുവിന്റെ മകൻ ശരത്തിനെ (30) നാട്ടുകാർ രക്ഷപ്പെടുത്തി. തിങ്കളാഴ്ച ഉച്ചക്ക് 12.45ഓടെയായിരുന്നു അപകടം. വിവാഹത്തിൽ പങ്കെടുക്കാൻ കാറിൽ ആറാട്ടുപുഴ ബണ്ട് റോഡിലൂടെ പോകുമ്പോൾ എതിരെ വന്ന വാഹനത്തിന് സൈഡ് കൊടുക്കാൻ ഒതുക്കിയതോടെ പുഴയിലേക്ക് തെന്നിമറിയുകയായിരുന്നു.