മൃദംഗ വിദ്വാൻ കാരക്കുടി ആർ. മണി അന്തരിച്ചു

മറഞ്ഞത് താള ലോകത്തിന്റെ തേജസ്

ചെന്നൈ: മൃദംഗവാദനത്തിന്റെ അനന്യ സൗന്ദര്യത്തിലൂടെ സംഗീതാസ്വാദകരെ അര നൂറ്റാണ്ടു കാലം ത്രസിപ്പിച്ച കാരക്കുടി മണി (78) അന്തരിച്ചു. വ്യാഴാഴ്ച രാവിലെ ചെന്നൈയിൽ വെച്ചായിരുന്നു അന്ത്യം. ചെറുപ്രായത്തിൽതന്നെ സംഗീതലോകത്ത് പേരെടുത്ത മണി, കർണാടക സംഗീതത്തിലെ നിരവധി കുലപതിമാർക്കൊപ്പം വേദിയുടെ തേജസ്സായി നിറഞ്ഞു നിന്നു. അവിവാഹിതനായ ആർ. മണി ആരോഗ്യ പ്രശ്നങ്ങളാൽ ഏതാനും മാസങ്ങളായി പൊതുവേദികളിൽ എത്തിയിരുന്നില്ല.