ഗോവിൻഡാ

ഐ.എസ്.എൽ: ബ്ലാസ്റ്റേഴ്സിനെ ഒരു ഗോളിന് വീഴ്ത്തി ഗോവ

- നഹീമ പൂന്തോട്ടത്തിൽ

കൊച്ചി: താരങ്ങളുടെ ആത്മവിശ്വാസവും ആരാധകരുടെ അമിത പ്രതീക്ഷയും തുണച്ചില്ല, ഒരിക്കൽക്കൂടി കേരള ബ്ലാസ്റ്റേഴ്സിന് സ്വന്തം വീട്ടുമുറ്റത്ത് തോൽവി. കൊച്ചി കലൂർ സ്റ്റേഡിയത്തിൽ നടന്ന ഐ.എ സ്.എൽ മത്സരത്തിൽ എഫ്.സി ഗോവക്കെതിരെയാണ് ഒറ്റഗോളിന് ബ്ലാസ്റ്റേഴ്സ് വീണത്. കളിയുടെ 40-ാം മിനിറ്റിലാണ് അതുവരെയുള്ള ബ്ലാസ്റ്റേഴ്സിന്റെ സകല പ്രതീക്ഷകളെയും തകർത്തടിച്ച് ഗോവയുടെ ഗോൾ പിറന്നത്. പത്ത് മത്സരങ്ളിൽ 11 പോയന്റുമായി ഒമ്പതാമതാണ് മഞ്ഞപ്പട. ഒമ്പത് കളികളിൽ 15 പോയന്റുള്ള ഗോവ അഞ്ചാം സ്ഥാനത്തും.