புரட்சித் தலைவி வழி வந்தவள் நான்: என் வாயை அடைத்து விடலாம் என்றால் அது நடக்காது!

தி.மு.க. அரசுக்கு சசிகலா சவால்!!

புரட்சித்தலைவி வழிவந்தவள் நான். என் வாயை அடைத்து விடலாம் என்றால் அது நடக்காது என்று தி.மு.க. அரசுக்கு சசிகலா சவால் விடுத்துள்ளார்.

இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:

தமிழகத்தில் இன்றைக்கு விவசாயிகளின் நிலையோ மிகவும் பரிதாபகரமாக இருக்கிறது. விவசாயிகள் விளைவித்த நெல்லை ஈரப்பதம் அதிகம் உள்ளது என்ற காரணத்தை காட்டி அரசு நெல்கொள் முதல் நிலையங்களில் நெல் எடுக்காமல் காலம் தாமதம் செய்வதால், டெல்டா மாவட்டங்களில் உள்ள விவசாயிகள் எங்கு பார்த்தாலும் சாலைகளிலேயே நெல்லை கொட்டி வைத்து என்ன செய்வது தெரியாமல் தென்று விழி பிதுங்கி நிற்பதை தான் பார்க்கமுடிகிறது.