7 முக்கிய மாநிலங்களில் டிரம்ப் முன்னிலை!

ஜனவரி 20-ல் புதிய அதிபர் பதவியேற்பார்!!

நாளை அமெரிக்க அதிபர் தேர்தல் நடைபெறுகிறது. இந்த தேர்தலில் டிரம்ப் கமலா ஹாரிஸ் இடையே கடும் போட்டி நிலவுகிறது. இதில் முக்கிய 7 மாநிலங்களில் டிரம்ப் முன்னிலை வகிப்பதாக தெரியவந்துள்ளது. எதுவாக இருந்தாலும் நாளைய ஓட்டுப்பதிவுக்குப் பிறகு தெரிந்துவிடும். புதிய அதிபர் ஜனவரி 20-ஆம் தேதி பதவியேற்பார்.

அமெரிக்க நாட்டை இங்கிலாந்து பெற்ற பிள்ளை என்று சொல்வார்கள். ஏனென்றால் அமெரிக்கா கண்டுபிடிக்கப்பட்ட பிறகு இங்கிலாந்து நாட்டில்தான் ஏகப்பட்ட மக்கள் சென்றார்கள். பின்னர் வேறு சில நாட்டினரும் குடியமர்ந்தனர்.

இங்கிலாந்து நாடு தான் அமெரிக்காவை ஆண்டுவந்தது. 1776-ஆம் ஆண்டு அமெரிக்கர்கள் சுதந்திரப் பிரகடனத்தை அறிவித்தனர். இருந்தாலும் 1783-ல் தான் இங்கிலாந்து முழு அளவிலான சுதந்திரத்தை வழங்கியது.

அப்போது அமெரிக்காவில் வெறும் 13 மாகாணங்கள் இருந்தன. பின்னர் படிப்படியாக புதிய மாநிலங்கள் உருவாக்கப்பட்டு இப்போது மொத்தம் 50 மாகாணங்கள் உள்ளன.