ஆட்சியை பிடிக்க முடியாது எங்களுக்கு அதிகாரத்தில் பங்கு வேண்டும்!

தொல்.திருமாவளவன் பரபரப்பு பேட்டி!!

எங்களால் ஆட்சியை பிடிக்க முடியாது. அதே நேரத்தில் ஆட்சி அதிகாரத்தில் எங்களுக்குப் பங்கு வேண்டும். மேலும் தி.மு.க. மற்றும் அ.தி.மு.க. உள்ளிட்ட கட்சிகளின் வாக்குகளை நடிகர் விஜயால் பிரிக்க முடியாது என திருமாவளவன் கூறினார்.

விடுதலைச் சிறுத்தைகள் கட்சித் தலைவர் தொல்.திருமாவளவன் அளித்த பேட்டி விவரம் வருமாறு: "நான் எப்போதும் ஒரு குறிப்பிட்ட சமூகம் அல்லது சாதிக்கான தலைவர் என்று கூறிக்கொண்டது இல்லை. நான் நாட்டில் உள்ள அனைத்து மக்களுக்காகவும் பாடுபட்டு வருகிறேன்.

கடந்த 2011-ஆம் ஆண்டின் தேர்தலின் போது தி.மு.க. கூட்டணியில் இடங்களில் களமிறங்கினோம். தற்போது எங்கள் கட்சிக்கு 2 எம்.பி.க்கள் உள்ளனர். தேர்தல் கமிஷன் அங்கீகாரமும் கிடைத்துள்ளது. அதற்காக நாங்கள் மகிழ்ச்சி அடைகிறோம். ஆனால் எங்களுக்கு மனநிறைவு இல்லை.