லாட்டரி அதிபர் மார்ட்டின், ஆதவ் அர்ஜூனா வீடுகளில் இன்றும் சோதனை!

அமலாக்கத்துறையினர் தொடர் நடவடிக்கை!!

சட்டவிரோத பண பரிமாற்ற வழக்கில் மீண்டும் தமிழகத்தில் லாட்டரி அதிபர் மார்ட்டின் மற்றும் அவரது மருமகனுக்கு சொந்தமான இடங்களில் இரண்டாவது நாளாக அமலாக்கத்துறை சோதனை நடந்தது.

தமிழகம் உட்பட பல்வேறு மாநிலங்களில் லாட்டரி விற்பனைக்கு தடை விதிக்கப்பட்டு இருந்தாலும் சிக்கிம், மேற்கு வங்கம், கேரளா போன்ற மாநிலங்களில் லாட்டரி விற்பனை சில விதிகளுக்குட்பட்டு அனுமதி உள்ளது.

லாட்டரி விற்பனையில் மார்ட்டின் என்கிற கோவையைச் சேர்ந்த தொழிலதிபர் முக்கிய நபராக இருந்து வருகிறார்.

கடந்த 2019ஆம் ஆண்டு லாட்டரி அதிபர் மார்ட்டின் தொடர்புடைய 70க்கும் மேற்பட்ட இடங்களில் வருமான வரித்துறையினர் சோதனை நடத்தினர். அந்த சோதனையில் முக்கிய ஆவணங்கள் கைப்பற்றப்பட்டதாக வருமான வரித்துறை தெரிவித்தது.