திருவல்லிக்கேணியில் எஸ்பிஐ வங்கியில் கொள்ளை முயற்சி!

திருவல்லிக்கேணி காவல் நிலையம் எதிரே உள்ள எஸ்பிஐ வங்கி பூட்டை உடைத்து கொள்ளை முயற்சி நடைபெற்றுள்ள சம்பவம் பரபரப்பை ஏற்படுத்தியுள்ளது.

திருவல்லிக்கேணி வாலாஜா ரோட்டில் உள்ள திருவல்லிக்கேணி காவல் நிலையம் எதிரே தனியார் வணிக வளாகத்தின் முதல் தளத்தில் எஸ்பிஐ வங்கியின் கிளை செயல்பட்டு வருகிறது. நேற்று மாலை வழக்கம்போல் வேலை முடிந்து வங்கி ஊழியர்கள் பூட்டிவிட்டு சென்றுள்ளனர்.

இன்று காலை வழக்கம்போல் பணிக்கு வந்த வங்கி ஊழியர்கள் பூட்டை திறந்து உள்ளே சென்று பார்த்தபோது பின்பக்க கதவு பூட்டு உடைக்கப்பட்டு இருந்ததை கண்டு அதிர்ச்சி அடைந்தனர்.

உடனே ஊழியர்கள் இது குறித்து வங்கி அதிகாரிகள் மற்றும் துறையினருக்கு தகவல் தெரிவித்தனர். அதன் பேரில் திருவல்லிக்கேணி போலீசார், காவல் மற்றும் தடயவியல் நிபுணர்கள், மோப்ப நாயுடன் சம்பவ இடத்திற்கு சென்று விசாரணை நடத்தினர்.