எடப்பாடியின் கருத்துக்கு தி.மு.க. காட்டமான பதில்!

‘மனசாட்சியை அடகு வைத்துவிட்டு அறிக்கை விடுகிறார்’!!

கள்ளக்குறிச்சி விஷச் சம்பவத்தை சாராய சி.பி.ஐ. விசாரிக்க வேண்டும் என உயர்நீதிமன்றம் உத்தரவிட்டது. இதை ஆதரித்து எடப்பாடி கருத்து தெரிவித்தார்.

இதற்கு தி.மு.க. காட்டமான பதில் தெரிவித்துள்ளது. எடப்பாடியும், அவருக்கு எதிரான வழக்கில் சி.பி.ஐ. விசாரணையை எதிர்த்து நீதிமன்றம் சென்றவர்தான் என்றும், இப்போது மனச்சாட்சியை அடகு வைத்துவிட்டு அறிக்கை விடுகிறார் என்றும் கூறியுள்ளது.

கள்ளக்குறிச்சி மாவட்ட விஷச் சாராய சம்பவம் குறித்து தமிழக அரசின் சி.பி.சி.ஐ.டி. போலீசார் விசாரணை நடத்தி வந்தார்கள்.

இந்த விசாரணையை சி.பி.ஐ.க்கு மாற்றம் செய்து சென்னை உயர்நீதிமன்றம் நேற்று உத்தரவிட்டது.

இதை அ.தி.மு.க. பொதுச் செயலாளர் எடப்பாடி பழனிசாமி வரவேற்று அறிக்கை வெளியிட்டார்.

நீதிமன்றத்தின் உத்தரவை எதிர்த்து அரசு மேல் முறையீடு செய்யக்கூடாது என்றும், இதன் பாதிக்கப்பட்டவர்களுக்கு நீதி கிடைக்கச் செய்ய வேண்டும் என்றும் அவர் குறிப்பிட்டார்.

அவரது இந்த கருத்துக்கு தி.மு.க. பதிலடி கொடுத்துள்ளது. இது தொடர்பாக அக்கட்சியின் அமைப்புச் செயலாளர் ஆர்.எஸ். பாரதி இன்று பேட்டியளித்தபோது கூறியதாவது: கள்ளக்குறிச்சி விஷச்சாராய வழக்கை சி.பி.ஐ.க்கு மாற்றி உயர்நீதிமன்றம் உத்தரவிட்டது குறித்து, எதிர்க்கட்சித் தலைவர் எடப்பாடி பழனிசாமி அறிக்கை ஒன்றை வெளியிட்டுள்ளார்.

முதலில் அவர் எடுத்த நடவடிக்கைகள் குறித்து தன்னைத் தானே அவர் பரிசீலிக்க வேண்டும்.

ஆண்டு தில் நெடுஞ்சாலைத்துறையில் ரூ.4,800 கோடிக்கு 2018-ஆம் சென்னை உயர்நீதிமன்றத்தில் செய்ததற்காக தி.மு.க. சார்பில் வழக்கு தொடரப்பட்டது. அந்த வழக்கில் நாங்கள் சி.பி.ஐ. விசாரணை கோரவில்லை.

ஆனால் நீதிமன்றமே இந்த வழக்கை சி.பி.ஐ. விசாரிக்க வேண்டும் என்று உத்தரவிட்டது.

இவ்வளவு பேசுகிற பழனிசாமி, நேற்றை தினம் உத்தரவை எதிர்த்து உச்சநீதிமன்றத்துக்கு தமிழக அரசு போகக்கூடாது என்று மனச்சாட்சியை அடகு வைத்துவிட்டு அறிக்கை விட்டுள்ளார். அவர் தான் முதன்முதலில் உச்சநீதிமன்றத்தை நாடி, அவர்மீது சி.பி.ஐ. வழக்கு நடத்த வேண்டும் என்று சென்னை உயர்நீதிமன்றம் பிறப்பித்த உத்தரவை எதிர்த்து வழக்கு தொடர்ந்து தடை பெற்றார். அந்த வழக்கு நடைபெற்றது.