முதல்வர்ஸ்டாலின் கேரளா சென்றார்!

நாளை நடக்கும் விழாவில் நினைவகம், நூலகம் திறப்பு; கேரள முதல்வர் பினராயி விஜயனும் பங்கேற்பு!!

தந்தை பெரியார் 1924-ஆம் ஆண்டு, வைக்கத்தில் எதிராக தீண்டாமைக்கு போராட்டம் நடத்தினார்.

இது வெற்றி பெற்று நூற்றாண்டு நிறைவடைகிறது. இதையொட்டி கேரள முதல்வர் பினராயி விஜயன் தலைமையில் நாளை நடைபெறும் விழாவில் நினைவகம் மற்றும் நூலகத்தை தமிழக முதல்வர் மு.க.ஸ்டாலின் திறந்து வைக்கிறார். ரூ.8.14 கோடியில் புனரமைப்பு மேற்கொள்ளப்பட்டுள்ளது. இந்த விழாவில் பங்கேற்கும் பொருட்டு மு.க.ஸ்டாலின் சென்றார்.

திருவாங்கூர் சமஸ்தானத்தைச் சேர்ந்த வைக்கத்தில் உள்ள மகாதேவர்கோவில் குளில் ஈழவர்கள், புலையர்கள் உள்ளிட்ட தாழ்த்தப்பட்ட சமூகத்தினர் செல்லக்கூடாது. அதுமட்டுமல்லாமல் கோவிலைச் சுற்றியுள்ள தெருக்களில் நடமாடக்கூடாது என்றெல்லாம் தடை விதிக்கப்பட்டு இருந்தது. இந்த தடையை தகர்க்கும் பொருட்டு வழக்கறிஞர் மாதவன், கேசவ மேனன், பாரிஸ்டர் ஜார்ஜ் ஜோசப் உள்ளிட்டோர் போராடினர். அவர்களை திருவாங்கூர் சமஸ்தான போலீசார் கைது செய்து சிறையில் அடைத்தனர்.