பெரியாரும், சுயமரியாதை இயக்கமுமே காரணம்!

"சமூகப் பாகுபாடுகளுக்கு எதிராக இன்னும் போராடவேண்டும்” கேரளத்தில் நினைவகத்தை திறந்து முதல்வர் ஸ்டாலின் பேச்சு!!

சமூகநீதியின் தொடக்கப் புள்ளி வைக்கம் கப் போராட்டம் என்றும், கோவிலுக்குள் அனைத்து தரப்பினரும் நுழைய பெரியாரும் சுயமரியாதை இயக்கமும் காரணம் என்று வைக்கத்தில் நடந்த விழாவில் முதலமைச்சர் மு.க.ஸ்டாலின் பேசினார். அங்கு பெரியாரின் நினைவகத்தையும், நூலகத்தையும் திறந்து வைத்தார். சமூகப் பாகுபாடுகளுக்கு எதிராக இன்னும் போராட்டம் தொடர வேண்டும் என்றும் அவர் கூறினார்.

திருவாங்கூரில் தீண்டாமை என்ற கொடுமையும், நோக்காமை என்ற மகா கொடுமையும் மேலோங்கியிருந்தன. திருவாங்கூர் சமஸ்தானத்தைச் சேர்ந்த வைக்கத்தில் உள்ள மகாதேவர் கோவிலுக்குள் ஈழவர்கள், புலையர்கள் உள்ளிட்ட தாழ்த்தப்பட்ட சமூகத்தினர் செல்லக்கூடாது.

அதுமட்டுமல்லாமல் கோவிலைச் சுற்றியுள்ள தெருக்களில் நடமாடக்கூடாது என்றெல்லாம் தடை விதிக்கப்பட்டு இருந்தது.

எதிர்த்து இதை 1893-ஆம் ஆண்டிலேயே சமூக சீர்திருத்தவாதி ஐயங்காளி போராட்டம் நடத்தினார். சில தசாப்தங்களுக்குப் பிறகு இவ்விவகாரம் 4-ம் பக்கம் பார்க்க விஸ்வரூபம் எடுத்தது.

தகர்க்கும் பொருட்டு வழக்கறிஞர் மாதவன், செய்தியாளர் கேசவ மேனன், பாரிஸ்டர் ஜார்ஜ் ஜோசப் உள்ளிட்டோர் போராடினார்கள். அவர்களை திருவாங்கூர் சமஸ்தான போலீசார் கைது செய்து சிறையில் அடைத்தனர்.

சென்னை மாநில காங்கிரஸ் கட்சித் தலைவராக இருந்த பெரியார் ஈ.வெ.ரா.வுக்கு போராட்டத்தை தொடர்ந்து நடத்துமாறு வேண்டுகோள் விடுக்கப்பட்டது. இதை ஏற்று 1924-ஆம் ஆண்டு ஏப்ரல் மாதம் வைக்கத்திற்கு சென்று பெரியார் போராட்டம் நடத்தினார். அவர் கைது செய்யப்பட்டு சிறையில் அடைக்கப்பட்டார். இதைத்தொடர்ந்து அவரது மனைவி நாகம்மையும், தங்கை கண்ணம்மாளும் போராட்டக் களத்தில் குதித்தனர். போராட்டம் உச்சம் பெற்றது. இறுதியில் திருவாங்கூர் சமஸ்தானம் பணிந்தது. தாழ்த்தப்பட்டோருக்கு விதிக்கப்பட்டிருந்த தடையை மகாராணி விலக்கினார். இந்த போராட்டத்தில் முக்கிய பங்கேற்ற பெரியாரை 'வைக்கம் வீரர்' என்று திரு.வி.க. பாராட்டினார்.