வேலைவாய்ப்பு முகாம்கள் மூலம் தேர்வான 71 ஆயிரம்பேருக்கு மத்திய அரசுப் பணி!

நியமனக் கடிதங்களை பிரதமர் மோடி வழங்கினார்!!

பணிக்கான களை

புதுடெல்லி, டிச. 23: வேலைவாய்ப்பு முகாம்கள் மூலம் தேர்வு செய்யப்பட்ட 71 ஆயிரம் பேருக்கு மத்திய அரசுப் ஆணை பிரதமர் மோடி இன்று வழங்கினார்.

அதே நேரத்தில் நாடு முழுவதும் 45 இடங்களிலும் பணி ஆணைகள் வழங்கும் நிகழ்ச்சிகள் நடந்தன.

பிரதமர் நரேந்திர மோடி தலைமையிலான மத்திய பா.ஜ.க. அரசு வேலை வாய்ப்பை பெருக்க நடவடிக்கை எடுக்கப்படும் என தெரிவித்தது. அதன்படி 2024-ஆம் ஆண்டுக்குள் 10 லட்சம் பேருக்கு வேலை வாய்ப்பு வழங்கப்படும் என்று பிரதமர் மோடி அறிவித்திருந்தார்.

இதற்கு ரோஜ்கர் மேளா (வேலைவாய்ப்பு முகாம்) என்று பெயர். இந்த திட்டத்தின் கீழ் மத்திய-மாநில அரசுத் துறைகளில் பணிகள் வழங்கப்படுகிறது. இதற்காக மத்திய அரசுப் பணியாளர் தேர்வாணையம், ரெயில்வே தேர்வு வாரியம், அரசுப் பணியாளர் தேர்வாணையம் ஆகியவற்றின் மூலம் ஆட்கள் தேர்வு செய்யப்படுகிறார்கள்.

இவ்வாறு பல கட்டங்களாக ரோஜ்கர் மேளா முகாம்கள் நடத்தப்பட்டு அவ்வப்போது பணி ஆணைகள் வழங்கப்படுகின்றன.

அந்த வகையில் ஏற்கனவே 8 முறை இந்த முகாம்கள் நடந்துள்ளன. இதுவரை பல லட்சம் பேருக்கு வேலை வாய்ப்புகள் வழங்கப்பட்டுள்ளன. 7-ஆவது முறையாக நடந்த முகாமின்போது 70 ஆயிரம் பேருக்கு பணி ஆணை வழங்கப்பட்டது.