பாரதிராஜா மகன் மனோஜ் உடலுக்கு முதல்வர் ஸ்டாலின், விஜய் நேரில் அஞ்சலி!

இன்று மாலை இறுதிச்சடங்கு !!

இயக்குநர் பாரதிராஜா மகனும், இயக்குநருமான நடிகர் மனோஜ் (வயது 48) நேற்று மாலை ‘திடீர்' மாரடைப்பால் காலமானார்.

அவரது உடல் தகனம் இன்று மாலை 4:30 மணி அளவில் பெசன்ட்நகர் மின் மயானத்தில் நடக்கிறது. அவரது மறைவிற்கு தமிழக முதல்வர் முக ஸ்டாலின், தவெக தலைவர் நடிகர் விஜய், உள்ளிட்ட அரசியல் கட்சி தலைவர்களும், கவிஞர் வைரமுத்து, கார்த்தி, சூர்யா, பிரபு உள்ளிட்ட திரையுலகினரும் நேரில் சென்று அஞ்சலி செலுத்தினர்.

இயக்குநர் பாரதிராஜாவின் மகன் மனோஜ் பாரதிராஜா (48) நேற்று மாலை திடீர் மாரடைப்பு காரணமாக காலமானார். அவரது சென்னை நீலாங்கரை கேசரினா டிரைவில் உள்ள பாரதிராஜாவின் இல்லத்தில் திரையுலகினர் மற்றும் பொதுமக்களின் அஞ்சலிக்காக வைக்கப்பட்டுள்ளது. இன்று மாலை 3 மணி வரை பொதுமக்கள் அஞ்சலிக்காக வைக்கப்படும் அவரது உடல், பின்னர் இறுதி சடங்கிற்கு பிறகு ஊர்வலமாக எடுத்துச் சென்று பெசன்ட் நகரில் உள்ள மின் மயானத்தில் தகனம் செய்யப்படும் என தகவல் வெளியாகியுள்ளது.