ഇനി കിവി ചലഞ്ച്

ഇന്ത്യ-ന്യൂസിലൻഡ് ഒന്നാം ഏകദിനം ഇന്ന് ഹൈദരാബാദിൽ മത്സരം 1.30 മുതൽ ഇന്ത്യ-ന്യൂസിലൻഡ് ഒന്നാം ഏകദിനം ഇന്ന് ഹൈദരാബാദിൽ മത്സരം 1.30 മുതൽ

ഹൈദരാബാദ്: ഏകദിന ക്രിക്കറ്റ് ലോകകപ്പിനു തയാറെടുക്കുന്ന ഇന്ത്യയുടെ രണ്ടാം ദൗത്യം ഇന്നുമുതൽ. ഇത്തവണ എതിരാളികൾ കരുത്തരായ ന്യൂസിലൻഡ്. മൂന്നു മത്സര ഏകദിന പരമ്പരയിലെ ആദ്യകളി ഹൈദരാബാദ് ഉപ്പലിലുള്ള രാജീവ് ഗാന്ധി ഇന്റർനാഷണൽ സ്റ്റേഡിയത്തിലാണ്. പകലും രാത്രിയുമായി നടക്കുന്ന മത്സരം ഉച്ചയ്ക്ക് 1.30ന് ആരംഭിക്കും.

സ്റ്റാർ സ്പോർട്സ് ചാനലുകളിൽ തൽസമയം. ശ്രീലങ്കയെ നിലംപരിശാക്കിയ ശേഷമാണ് രോഹിത് ശർമയുടെ ക്യാപ്റ്റൻസിയിൽ നീലപ്പട ഇന്നു കിവികളെ നേരിടാനൊരുങ്ങുന്നത്. കാര്യവട്ടത്തെ അവസാന ഏകദിനത്തിൽ നേടിയ 317 റണ്ണിന്റെ ലോകറെക്കോഡ് വിജയം ഇന്ത്യൻ സംഘത്തിന്റെ ആത്മവിശ്വാസം ഇരട്ടിയാക്കിയിട്ടുണ്ട്.

എന്നാൽ, ഏകദിനത്തിൽ ലങ്കയേക്കാൾ കരുത്തരാണ് ന്യൂസിലൻഡ്, ബാറ്റിങ്ങിലും ബൗളിങ്ങിലും ഫീൽഡിങ്ങിലും മികവുറ്റ സംഘം ഐ.സി.സിയുടെ ലോകറാങ്കിങ്ങിൽ ഒന്നാം സ്ഥാനക്കാരാണ്. ഇന്ത്യയാകട്ടെ നാലാം റാങ്കിലും,

 രോഹിത്തിന്റെ പങ്കാളി?

പരമ്പര ഓപ്പണിങ്ങിൽ രോഹിതിന്റെ പങ്കാളിയെപ്പറ്റിയാണ് അനിശ്ചിതത്വം. കഴിഞ്ഞ കളിയിൽ വിക്കറ്റ്കാത്ത ലേകേഷ് രാഹുൽ സ്ക്വാഡിൽ ഇല്ലാത്തതിനാൽ ഇരട്ടസെഞ്ചുറി നിറവിലുള്ള ഇഷാൻ കിഷന് അവസരം ലഭിച്ചേക്കും. മധ്യനിരയിൽ ശ്രേയസ് അയ്യർ പരുക്കേറ്റു പുറത്തായതോടെ സൂര്യകുമാറിനു നറുക്കുവീഴും.