കാപികോ റിസോർട്ട് ഇന്നുതന്നെ പരമാവധി പൊളിച്ചുനീക്കാൻ നിർദേശം

സുപ്രീംകോടതി ഹർജി പരിഗണിയ്ക്കുന്നത് നാളെ

പാണാവള്ളി കാപികോ റിസോർട്ട് ഇന്നുതന്നെ പരമാവധി  സർക്കാർ പൊളിച്ചുനീക്കണമെന്നു ആലപ്പുഴ കലക്ടർക്കു നിർദേശം നൽകി. പൊളിക്കൽ പുരോഗതി റിപ്പോർട്ട് നാളെ സമർപ്പിക്കണമെന്ന സുപ്രീംകോടതി നിർദേശത്തെ തുടർന്നാണിത്.

പരിസ്ഥിതി അനുമതിയില്ലാതെയാണു പൊളിക്കൽ നടത്തുന്നതെന്നും അതിനാൽ, നിർത്തി വയ്ക്കണമെന്നും ആവശ്യപ്പെട്ടു മത്സ്യത്തൊഴിലാളി സ്ത്രീ കേസിൽ കക്ഷിചേന്നിട്ടുണ്ട്. ഈ പരാതിയും നാളെ പരിഗണിയ്ക്കും. റിസോർട്ട് പൊളിക്കൽ ഈമാസം 28 നകം പൂർത്തിയായില്ലെങ്കിൽ ചീഫ് സെക്രട്ടറിക്കെതിരേ കോടതിയലക്ഷ്യ നടപടിയെടുക്കുമെന്നാണു സുപ്രീം കോടതിയുടെ മുന്നറിയിപ്പ്.