മണിപ്പുരിൽ ആഘോഷം

തിരാഷ്ട്ര ഫുട്ബോൾ ടൂർണമെന്റ് ഇന്ന് മുതൽ

ഇംഫാൽ മണിപ്പൂരിൽ ഫുട്ബോൾ ലഹരി. തലസ്ഥാനമായ ഇംഫാലിലെ ഖുമൻ ലാംപാക് സ്റ്റേഡിയത്തിൽ തിരാഷ്ട്ര ഫുട്ബോൾ ടൂർണമെന്റിന് ഇന്നു തുടക്കമാകും.

വൈകിട്ട് ആറ് മുതൽ നടക്കുന്ന മത്സരത്തിൽ ഇന്ത്യ മ്യാൻമറിനെ നേരിടും. കിർഗിസ് റിപ്പബ്ലിക്കാണ് ടൂർണമെന്റിലെ മൂന്നാമൻ. മ്യാൻമറും കിർഗിസ്ഥാനും തമ്മി ലുള്ള മത്സരം 25 നാണ്. 28 നാണ് ഇന്ത്യയും കിർഗിസ് റിപ്പബ്ലിക്കും തമ്മിൽ ഏറ്റുമുട്ടുക. ആദ്യമായാണ് മണിപ്പൂർ രാജ്യാന്തര ഫുട്ബോളിനു വേദിയാകുന്നത്.

 അടുത്ത വർഷം നടക്കുന്ന ഏഷ്യൻ കപ്പ് മുൻ നിർത്തിയാണു തിരാഷ്ട്ര ടൂർണമെന്റ് നടത്തുന്നത്. ഇന്ത്യൻ കോച്ച് ഇഗോർ സിമാചിന് ടീമിന്റെ ശക്തി പരീക്ഷിക്കാനുള്ള വേദി കൂടിയാണിത്. കഴിഞ്ഞ 11 മത്സരങ്ങളിൽ ഒൻപതിലും സിമാചിന്റെ ശിഷ്യൻമാർ തോറ്റിരുന്നു. വെറ്ററൻ സ്ട്രൈക്കർ സുനിൽ ഛേത്രിയാണ് ടീം ഇന്ത്യയെ നയിക്കുന്നത്.