મેઘરાજા દક્ષિણ ગુજરાતનો વારો કાઢશેઃ ભારે વરસાદની આગાહી

શહેરમાં ગરમીનું પ્રમાણ વધ્યું: અમદાવાદ અને ગાંધીનગરમાં આજે વાદળછાયું વાતાવરણ રહેશે

અમદાવાદ, સોમવાર

ચાલુ વર્ષે રાજ્યમાં ચોમાસાનું આગમન વહેલું થયું હતું પરંતુ હજુ સુધી ચોમાસાની વિદાયનાં કોઈ એંધાણ દેખાતાં નથી. કારણ કે, હવામાં ભેજનું હજુ પણ વધારે પ્રમાણે છે. પરંતુ હવામાન નિષ્ણાતોના મતે સપ્ટેમ્બરના અંતમાં ચોમાસાની વિદાયની શરૂઆત થઈ જવાની શક્યતા છે. હવામાન વિભાગની આગાહી મુજબ રાજ્યમાં આગામી પાંચ દિવસ વરસાદી માહોલ રહેશે.

હવામાન વિભાગ અનુસાર, બંગાળની ખાડીમાં વેસ્ટ સેન્ટ્રલ દિશામાં સર્જાયેલાં લો પ્રેશરની અસરના ભાગરૂપે ગુજરાત સહિત દેશનાં અનેક રાજ્યોમાં વરસાદી માહોલ જોવા મળશે. બંગાળમાં લો પ્રેશરના કારણે સૌથી વધુ વરસાદની સંભાવના દક્ષિણ ગુજરાતમાં છે. તેથી એક વખત રાજ્યમાં ભારે પવન સાથે કડાકા ભડાકા સાથે વરસાદની અગાહી કરવામાં આવી છે.