અંબાજી દર્શન કરીને પરત જતી લક્ઝરી બસને અકસ્માતઃ પાંચતાં મોત, ર૫ ઘાયલ

ત્રિશૂળિયા ઘાટ ઉપર અકસ્માતઃ બસ પહેલાં થાંભલાને અથડાઈ ત્યાર બાદ મંદિરમાં ઘૂસી ગઈ

બનાસકાંઠા જિલ્લાના અંબાજી નજીક આવેલા ત્રિશૂળિયા ઘાટ પાસે આજે વહેલી સવારે એક ગમખ્વાર અકસ્માત સર્જાતાં સન્નાટો વ્યાપી ગયો છે. શ્રદ્ધાળુઓથી ભરાયેલી લકઝરી બસ અંબાજીથી પરત ખેડા જઇ રહી હતી ત્યારે આ અકસ્માત સર્જાયો છે. અકસ્માતની આ ઘટનામાં પાંચ લોકોનાં કરુણ મોત થયાં છે, જ્યારે ૨૫થી વધુ લોકો ઘાયલ થયા છે. આ લક્ઝરી બસમાં ૫૬ પેસેન્જર્સ બેઠા હતા અને તે ખેડાના વતની હતા. ઘટનાની જાણ થતાં બનાસકાંઠા એસપી-કલેક્ટર સહિતના ઉચ્ચ અધિકારીઓ તાત્કાલિક ઘટનાસ્થળે દોડી આવ્યા હતા.