સમગ્ર ગુજરાતમાં ઠંડીએ ભુક્કા બોલાવી દીધા નલિયાવાસીઓ ૬.૪ ડિગ્રી ઠંડીમાં ઠુંઠવાયા

ડાંગમાં ૮.૨ ડિગ્રી અને દાહોદમાં ૯.૫ ડિગ્રી ઠંડી નોંધાઈ

શિયાળાની મોડી શરૂઆત બાદ આખરે ગઈ કાલથી રાજ્યના મોટા ભાગના વિસ્તારોમાં કડકડતી ઠંડીએ પ્રવેશ ર્યો હતો અને સમી સાંજ થી જ લોકોને ઘરમાં પુરાઈ રહેવાની ફરજ પડી હતી. આજે સવારે તો ઠંડીએ અમદાવાદ સહિત સમગ્ર ગુજરાતમાં રીતસર ભુક્કા બોલાવી દીધા છે અને મોટા ભાગનાં શહેરનોનું લઘુતમ તાપમાન નીચે ગગડી ગયું છે.

ખાસ કરીને કચ્છના નલિયા શહેરમાં તો સિઝનનું સૌથી નીચું લઘુતમ તાપમાન નોંધાતાં નલિયાવાસીઓ તોબા પોકારી ગયા હતા. નલિયામાં આજે સવારે ૬.૪ ડિગ્રી લઘુતમ તાપમાન નોંધાયું હતું, જે સામાન્ય કરતાં લગભગ ત્રણ ડિગ્રી સેલ્સિયલ જેટલું ઓછું છે.