విశాఖ చేరుకున్న కంబోడియా బాధితులు

• హ్యూమన్ ట్రాఫికింగ్ గ్యాంగ్ కేసులో కీలక పురోగతి  • ఆపరేషన్ కంబోడియాపై విశాఖ సీపీ రవిశంకర్

విశాఖపట్నం నుంచి సూర్య ప్రత్యేక ప్రతినిధి : దేశంలో సంచలనం సౄఎష్టించిన హ్యూమన్ ట్రాఫికింగ్ గ్యాంగ్ కేసులో కీలక పురోగతి సాధించామని విశాఖ రవిశంకర్ తెలిపారు. కంబోడియా బాధితుల్లో విశాఖపట్నంకు చెందిన 58 మందిని రక్షించి, శుక్రవారం నగరానికి తీసుకొచ్చామని ఆయన వెల్లడించారు. ఈ ముఠా వెనుక ఉన్న చైనా గ్యాంగ్ను పట్టుకుంటామని సీపీ తెలిపారు. హ్యూమన్ ట్రాఫికింగ్ కేసు విచారణకు విశాఖపట్నం సీపీ ఆధ్వర్యంలో సిట్ ఏర్పాటైన సంగతి తెలిసిందే. 20 మందితో సిట్ బృందం ఏర్పడింది. జాయింట్ సీపీ, ఇద్దరు సీఐలు, నలుగురు ఎస్సైలు, 12 మంది హెడ్ కానిస్టేబుళ్లతో స్పెషల్ ఇన్వెస్టిగేషన్ టీమ్ ఈ కేసును లోతుగా దర్యాప్తు చేపట్టింది.