క్రికెటర్ హనుమ విహారికి నారా లోకేష్ అండ

విహారీ తిరిగొచ్చేయ్... నీకు మా పూర్తి సహకారం ఉంటుంది • మంత్రి నారా లోకేశ్ను కలిసిన టీమిండియా క్రికెటర్ హనుమ విహారి • లోకేశ్కు శుభాకాంక్షలు తెలిపిన విహారి • విహారితో భేటీ సంతోషం కలిగించిందన్న మంత్రి లోకేశ్ • గత ప్రభుత్వ హయాంలో అతడు రాజకీయ దౌర్జన్యానికి గురయ్యాడని వెల్లడి • విహారి తిరిగి ఆంధ్రాకు వచ్చేయాలని లోకేశ్ సూచన

టీమిండియా క్రికెటర్ హనుమ విహారి నేడు ఏపీ మంత్రి నారా లోకేశ్ ను మర్యాదపూర్వకంగా కలిశాడు. పుష్పగుచ్చం అందించి మంత్రి లోకేశ్ కు శుభాకాంక్షలు తెలియజేశాడు. దీనిపై మంత్రి లోకేశ్ స్పందించారు. ఇవాళ భారత క్రికెటర్ హనుమ విహారిని కలవడం సంతోషం కలిగించింది. అతడు రాజకీయ దౌర్జన్యం బారినపడిన వ్యక్తి. గత ప్రభుత్వ హయాంలో వేధింపుల కారణంగా ఆంధ్రా క్రికెట్ ను వదిలి వెళ్లే పరిస్థితులు సౄఎష్టించడం సిగ్గుచేటు.

ఆంధ్రప్రదేశ్ కు తిరిగి రావాలని, మరోసారి తెలుగు ప్రజలు గర్వించేలా క్రికెట్లో రాణించాలని నేను హనుమ విహారిని కోరాను.

అతడికి మా సంపూర్ణ సహకారం ఉంటుంది అని నారా లోకేశ్ పేర్కొన్నారు.