புயலில் சிக்கி கடலில் தத்தளித்த கப்பலில் இருந்த 264 அகதிகள் தப்பினர்

306 பேர் இலங்கை அகதிகளாவர் | ஜப்பான் கப்பலின் உதவியுடன் மீட்பு |  மீட்கப்பட்டவர்கள் வியட்நாமில் ஒப்படைப்பு | அகதிகளை அழைத்துவர இலங்கை அரசாங்கம் தலையீடு

இலங்கையின் நெருக்கடி நிலைமைகளை அடுத்து கனடாவில் தஞ்சமடையும் நோக்கில், இலங்கை தமிழ் அகதிகள் 306 பேருடன் பயணித்த கப்பல், சிங்கப்பூர் -பிலிப்பைன்ஸ் கடல் எல்லைக்கு அருகில் புயலில் சிக்கித் தவித்த நிலையில் மீட்கப்பட்டுள்ளது.

சிங்கப்பூர்- பிலிப்பைன்ஸ் நாடுகளின் உதவியுடன், ஜப்பான் கப்பலின் ஒத்துழைப்புடன் அவர்கள் மீட்கப்பட்டு, வியட்நாமில் ஒப்படைக்கப்பட்டுள்ளனர் என சர்வதேச ஊடகங்கள் தெரிவித்துள்ளன.

இந்நிலையில் குறித்த அகதிகளை மீண்டும் இலங்கைக்கு வரவழைக்கும் முயற்சியில் 

வெளிவிவகாரத்துறை அமைச்சு, வியட்நாம் அரசாங்கத்துடன் பேச்சுவார்த்தைகளில் ஈடுபட்டு வருகின்றது.