ட்ரம்ப்பை தவிர்ப்பவர்களுக்கு சொகுசு கப்பலில் வாழ்க்கை

அமெரிக்காவின் புதிய ஜனாதிபதி ட்ரம்ப், எதிர்வரும் ஜனவரி மாதம் பதவியேற்கவுள்ள நிலையில், அமெரிக்காவின் புளோரிடா மாகாணத்தில் உள்ள வில்லி ரெசிடென்சஸ் எனப்படும் நிறுவனம், சொகுசுக் கப்பல் சுற்றுலாத் திட்டமொன்றை அறிவித்துள்ளது.

இந்த சுற்றுப்பயணம் ஓராண்டு முதல் 4 ஆண்டு கால அளவைக்கொண்டதாக இருக்கும். அமெரிக்க ஜனாதிபதியாக பொறுப்பேற்க இருக்கும் ட்ரம்ப்பின் ஆட்சியைத் தவிர்க்க விரும்புபவர்களுக்கு ஏற்றதாக இந்த சொகுசுக்கப்பல் சுற்றுலாத் திட்டம் இருக்கும் என்று, அந்த நிறுவனம் அறிவித்துள்ளது.

அவரது ஆட்சிக் காலத்தில் அமெரிக்காவில் இருக்காமல், சொகுசுக் கப்பலிலேயே 4 ஆண்டு காலத்தைக் கழிக்கலாம் என்றும் அந்த நிறுவனம் தெரிவித்துள்ளது.