உள்ளூராட்சி தேர்தல் தொடர்பில் அறிவிப்பு

உள்ளூராட்சி மன்றங்களுக்கான தேர்தல் திகதியை அடுத்த மாதமளவில் அறிவிப்பதற்கு எதிர்பார்த்துள்ளதோடு, ஏற்கெனவே கோரப்பட்டுள்ள வேட்பு மனுக்கு அமைவாகவே வாக்கெடுப்பை நடத்துவதற்கு ஆணைக் குழு சட்ட அதிகாரம் காணப்படுகின்றது என தேர்தல்கள் ஆணைக் குழுவின் அங்கத்தவரான சட்டத்தரணி அமீர் பாயிஸ் தெரிவித்துள்ளார்.

உள்ளூராட்சி மன்றங்களுக்கான தேர்தல் தொடர்பில் கருத்துக்களை வெளியிடும்போதே அவர் மேற்கண்டவாறு குறிப்பிட்டுள்ளார்.

அவர் மேலும் தெரிவிக்கையில், உள்ளூராட்சி மன்றங்களுக்கான வேட்பு மனுக்கள் ஏலவே கோரப்பட்டுக் கடந்த மார்ச் மாதம் 9ஆம் திகதி நடத்துவதற்குத் தேர்தல்கள் ஆணைக்குழு நடவடிக்கைகளை முன்னெடுத்திருந்தது.

எனினும், குறித்த காலத்தில் தேர்தலை நடத்துவதற்கான நிதி திறைசேரியில் இருந்து விடுவிக்கப்பட்டிருக்கவில்லை.