யாழில் மர்ம காய்ச்சல்

யாழ் மாவட்டத்தில் இனங்காணப்படாத காய்ச்சல் பரவி வருவதாக தெரிவித்த, தொற்றுநோயியல் திணைக்களத்தின் வைத்தியர் குமுது வீரகோன், இந்த காய்ச்சல், எலிக்காய்ச்சலா என்பதை உறுதிப்படுத்துவதற்கான விசாரணைகள் தற்போது இடம்பெற்று வருகிறது என்றார்.

சுகாதார மேம்பாட்டுப் பணியகத்தில் புதன்கிழமை (11) நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.

அப்பகுதிகளில் காய்ச்சல் மற்றும் சுவாசக் கோளாறு உள்ள நோயாளிகள் பதிவாகியுள்ளதாகவும், தற்போது சம்பந்தப்பட்ட காய்ச்சல் நோயாளிகளின் மாதிரிகளை எடுத்து பரிசோதனைகள் நடத்தப்பட்டு வருகின்றன. 2023ஆம் ஆண்டில் நாடு முழுவதும் பரவிய எலிக்காய்ச்சலால் 9,000க்கும் மேற்பட்டோர் பாதிக்கப்பட்டிருந்தனர்.

அவர்களில், கிட்டத்தட்ட 200 பேர் இறந்தனர். கடந்த வருடத்துடன் ஒப்பிடுகையில் இந்த வருட காலப்பகுதியில் நோயாளர்களின் எண்ணிக்கை அதிகரித்துள்ளது.